Ahakoa kāore e whakamōrea ana, e kaha patua ana e konihi mā. He āhuatanga manarū te tino rerekē o ngā tangi o ngā kākā o tēnā rohe, o tēnā rohe.
Whakaahua – nā Shellie Evans
Ngā tūroro He wāhi whakamātūtū mō ngā tūroro i muri mai i te maimoatanga ki Te Hōhipera o Wildbase. He putuputu te taetae mai o ngā kararehe hou ki konei mahu ai, kātahi ka whakahokia ki ō rātou nōhanga i te ao tūroa.
Ngā kararehe noho He wāhi noho pūmau mō ētahi kararehe.
Korimako
Korimako
He rongonui mō te wainene o tōna reo, e kitea ana ki ngā wao huri noa i Aotearoa.
A KORIMAKO NOHO PŪMAU KI KONEI
Nā Te Puni Kararehe o Kirikiriroa ēnei korimako i homai i te Whiringa-a-nuku 2018. He pai noa iho te whakakāinga a ēnei taurawhi tokorua pākahukahu i te puni manu ara hīkoi, koia hoki hei papa tākaro mō rāua.
He rōreka te tangi a Korimako, he kārikihāura ngā kura, he waiporoporo mōhinuhinu te tae kei tōna kakī i te wā whakawhānau. He uwha ka torotoro mai ki te tokorua nei i te wā whakawhānau, ka whakatāmoumou rāua i ō rāua kura, ka whakataetae rāua kia rōreka rawa atu te tangi.
He pārekareka ki a rāua te whaiwhai haere i a rāua anō i roto i tō rāua puni manu, he tūhura i ngā kai reka me ngā tipu whaipua o reira. He wā anō ka kitea rāua e horohoroi ana i te wairere, e tākaro hoki ana me te tūī noho pūmau o konei, a Rose.
Kāore anō kia tapaina he ingoa ki ēnei korimako whakatoi, taihoa ake ka puta he ingoa e hāngai ana ki ō rāua āhua.
