Āwhinatia he kararehe māori e whara ana

ĀU MAHI ĀWHINA INA TŪPONO KOE KI TĒTAHI KARAREHE MĀORI E WHARA ANA

Waea atu ki Te Papa Atawhai (DOC), ki te Manatū Ahu Matua (MPI) rānei, mā rātou koe e tohutohu.

  • Te tuku kōrero mai mō te kararehe kotahi, mō ngā kararehe e rua rānei e whara ana, e mate ana
    Waea atu ki te waea wera a Te Papa Atawhai, 0800 DOC HOT (0800 362 468)
  • Te tuku kōrero mai mō ētahi kararehe e toru, nui ake rānei e whara ana, e mate ana
    Waea atu ki te waea wera a Te Manatū Ahu Matua (MPI) mō te kīrearea me te tahumaero, 0800 80 99 66
  • Te tuku kōrero mai mō te paenga tohorā, paenga aihe rānei
    Waea atu ki te waea wera a Te Papa Atawhai, 0800 DOC HOT (0800 362 468)
  • Mō te kekeno
    Kua kitea he kekeno e māuiui ana? Pānuihia ngā kōrero mō te kekeno kei te paetukutuku a Te Papa Atawhai
    TE PAETUKUTUKU A TE PAPA ATAWHAI

Ngā pātai hei whakautu māu:

He aha te momo manu, momo kararehe rānei?

Ākene pea ka tonoa koe ki te tuku whakaahua mā te pātuhi, mā te īmēra rānei, kia taea e rātou te momo te tautuhi.

Kei hea te kararehe ināianei?

Kua tīkina e koe te kararehe hei tiaki māu, kei te wāhi tonu rānei i kitea tuatahitia e koe?

Ka taea e koe te kararehe te hari atu ki tētahi tari o Te Papa Atawhai (DOC), ki tētahi taupuni rauhī manu rānei?

Kei ētahi wāhi o Aotearoa he taupuni tiaki kararehe mohoao e whara ana. Ākene pea ka tonoa koe ki te hari i te kararehe ki tētahi o aua taupuni.