Ko wai mātou?

He kaupapa mahi tahi Te Taupuni Whakahaumanu Wildbase o Central Energy nā Te Kunenga ki Pūrehuroa me Te Kaunihera o Papaioea. Ko tā mātou mahi, he rauhī, he whakaruru i ngā kararehe māori mohoao e mātūtū ana i muri i te pokanga ki Te Hōhipera Wildbase o Te Kunenga ki Pūrehuroa. Ko tā mātou paetukutuku, ko te https://wildbaserecovery.co.nz.

Ina uru mai koe ki te paetukutuku a Whakahaumanu Wildbase, e whakaae ana koe ki ngā whakaritenga me ngā here e whai ake nei, e haere tahi ana me tā mātou kaupapahere matatapu.

NGĀ WHAKARITENGA ME NGĀ HERE

WHAKAKORENGA HAEPAPA

E tino whaia ana kia tika, kia hāngai ki mohoa noa nei ngā kōrero kei tēnei paetukutuku. He mea whakakao mai ēnei kōrero i runga i te ngākau tapatahi. Kei ētahi wāhi o te paetukutuku he hononga ki paetukutuku kē atu, hei āwhina noa i te kaitoro mai. Kāore he paku haepapa a Whakahaumanu Wildbase ki ngā kōrero, ki te āhua rānei o ērā paetukutuku rāwaho.

Manatārua

E whakaaetia ana ngā kōrero katoa kei tēnei paetukutuku te tārua, te tā me te tikiake. Hāunga tērā, me tono whakaaetanga i te kaiwhakahaere e whai āheitanga atu ki ngā hōtuhi me ngā waehere.

Ngā hononga ki paetukutuku kē atu

He maha ngā hononga ki paetukutuku kē atu. Ina toro atu koe ki tētahi atu paetukutuku, kei raro koe i ngā kaupapahere matatapu, haumaru hoki o taua paetukutuku. Karekau he mana o Whakahaumanu Wildbase ki ngā kaupapahere, ki ngā kōrero rānei o paetukutuku kē atu. Ko ēnei hononga paetukutuku hei āwhina noa i a koe.

Te tuku koha mai ki Whakahaumanu Wildbase Central Energy

E whakahaerehia ana ngā koha e Te Tarahiti ā-Hapori o Whakahaumanu Wildbase, ko tōna nama rēhita tarahiti ohaoha, ko te CC50468.

KAUPAPAHERE MATATAPU

He mea nui ki Te Tarahiti Whakahaumanu o Wildbase kia noho matatapu ngā kōrero ka tukuna mai e koe. Ka whakamahia ēnei kōrero tūmataiti mō ngā kaupapa o Whakahaumanu Wildbase, hei whakawhiti kōrero hoki ki a koe mō ngā mahi o konei.

Ko ētahi whakamahinga pea o ngā kōrero ka tukuna mai e koe:

• Hei whakawhiti kōrero ki a koe mō ngā mahi o konei.
• Hei tuku puka utu ki a koe mēnā ka tuku koha mai koe.

E whakamahia ana te SSL i tēnei paetukutuku. Kāore e whākina ngā kōrero mōu ake ki tangata kē, ki whakahaere tautoru kē, kia whakaaetia rā anō e koe, kia whakapono mārika rā anō mātou e tika ana i raro i te ture. E whai ana mātou i ngā  whakaritenga tairanga tonu kia noho haumaru ai ō kōrero.

Ko ngā kōrero whaiaro ka kohia e mātou, me ngā take e kohia ai

Ko ngā kōrero tāmau o paetukutuku kē atu 

Kei ētahi o ngā tuhinga o tēnei paetukutuku he tūemi tāmau (ataata, whakaahua, tuhinga kē atu ). Ko ngā tūemi tāmau mai i paetukutuku kē atu ka whai tonu i ōna ake tikanga o taua paetukutuku, ānō nei kua torona atu taua paetukutuku.

Ākene pea ka kohia e ēnei paetukutuku rāwaho he raraunga mōu, ka whakamahi pihikete rānei, ka tāmau i te makateatanga o rōpū kē atu, ka aroturuki rānei i tō mahi pāhekoheko i taua tūemi tāmau, mēnā he pūkete tāu, ā, e takiuru ana koe ki taua paetukutuku.

Pihikete

E whakamahi pihikete ana mātou (arā he kōnae raraunga iti ka whakawhitia ki tētahi rorohiko, pūrere kē atu rānei mai i tētahi paetukutuku), ko te hopu mauhanga te take, ko te whakarākei hoki i tā mātou paetukutuku. Kei a koe te mana ki te whakakore, ki te taparere rānei i te whakawhitinga o te pihikete, arā, mā te whakarerekē i ngā tautuhinga o tō pūtirotiro tukutuku. E taea ana ngā pihikete rokiroki te whakakore.

Tātaritanga

Hei whakatairanga i ngā wheako o ngā kaitoro ki tā mātou paetukutuku, ka kohia he raraunga kaiwhakamahi. Ka mau i a mātou: te paetukutuku i takea mai ai tō toro mai, ngā peka o roto i tā mātou paetukutuku ka torona e koe, te rā i toro ai koe, te roa o tō wā noho ki tā mātou paetukutuku, tō wāhitau IP kirimuna, ngā kōrero mō tō pūrere (te momo pūrere, tōna pūnaha whakahaere, te ariaritanga mata, te reo, tō whenua noho, me te momo pūtirotiro tukutuku). Ka tukatukatia ēnei raraunga ki roto o Google Analytics, ko te tauanga, ko te whakarākei tonu i te paetukutuku ngā take.