E whā ngā tuatara e noho ana ki te puni manu ara hīkoi, he mea takoha mai e Ngāti Koata hei tiaki mā mātou i konei. I te wā e tirotirohia ana tō rātou hauora, ka tūpono kitea te hapūtanga o ētahi uha e rua, o Beads rāua ko Dazza. I puta ā rāua hua i te mutunga o te tau 2018, engari he roa ake i te kotahi tau te pēhinga kia paopao mai. Hurō ana mātou i te wā o te Kirihimete i tērā tau i te kitenga o tētahi pēpi tuatara i raro i tētahi toka nui e pātata atu ana ki te wairere. He kura nui tēnei pēpi, inā he puipuiaki a Tuatara ki a Ngāti Koata, ā, ka noho tonu rātou hei kaitiaki i ngā tuatara e noho mai ana ki konei.